没有相见的日子

2007-08-27 00:12:58 / 个人分类：心情挂~~

                 当我很认真的跟你说出我的心里话时，尽管你作出反驳，但道理在我这边，我不会再退步。到最后，你竟然一句：“舒服翻D未啊？”当时我真系唔知比咩反应你，直觉去否认。但系你好似好了解我甘再回左几句，跟住就话你想训啦，甘就落左线。

              我知你果晚一定成晚无训。因为你好中意“扼”我，等我安心。系某程度上，你系了解我既。系某程度上，我都系了解你既。曾经我地都以为，互相系好相似既人。但系时间耐左，越黎越发觉好多问题。你对我既一D误会，我一直唔知点解释，到后来，都懒得去讲。我一直相信你会了解事情唔系你知道甘，你会信我，你会知道我系点既一个人。我比左一个学期时间大家去冷静，或者甘讲，系留比你思考。我相信你会有答案。

             但系我错啦，错得好离谱。你唔单止误会我，而且将我定格成某种类型既女仔，不停甘将人地美化，我就好似变左白雪公主个后母甘，坏人一个。我可以讲咩呢？咩都唔想讲。其实你并无你想象中甘了解我，你见到既只系一部分既我，唔系全部。

             距离一直系我地既问题，无论系地域或者心灵。今曰睇报纸，有一句话：爱情最重要的元素是:友谊,默契,吸引力...  我觉得我地已经无晒呢一切啦，系米呢？你反问我：“文文...你会拉翻距翻离挂？”呢种距离，我真系唔敢做保证，因为我个心已经好冷啦...

              当我以为我地之间已经咩都无既时候,你竟然打左个电话比我,仲要打黎我屋企。好聪明啊你，知道屋企电话我一定会接。点解你要扮晒无野甘再提翻果晚我同你讲既野,点解你要故意系我面前扮无事??点解你唔可以识做D？难道你唔识咩叫避重就轻、崩口人忌崩口碗？我好怕你甘样,越系表现到无野,其实就越有野。我宁愿你恼我，但系你无，你用左我最唔中意既方式去表现你既情绪。太幼稚啦...我实在无晒耐心去应付你啦...

                 呢一刻我只想记低我既感受,如此而已.

引用链接推荐收藏导入论坛等级(0) 编辑管理 查看(28) 评论(0) 评分(0/0)